intro

Bon Bini na Resurekshon i Bida

Ruman stima, pa nos ta un sumo plaser di yamabo bon bini na nos wèpsait. Ta nos orashon ku e Dios todopoderoso bendishonábo, i hasi Su kara resplandesé riba Bo. Ku kada dia di nobo lo bo mira i eksperensia e bondat di Dios, risibiendo Su amor, goso, pas, i prosperidat den bo bida.  Biba tur dia den ekspektativa, pasombra nos Dios ta un Dios todopoderoso. Sa ku bo milager ta na kaminda, Sper’é !!!

Riba nos página prinsipal bo por nabegá ku fasilidat  den e diferente sekshonnan ku tin riba nos wèpsait. Djis tuma un ratu pa bo eksplorá e opshonnan i servisionan ku nos ta ofresé. Nos lo adaptá nos wèpsait regularmente, pues pa bo keda na altura di tur nos aktividatnan bo tin ku sòru di bishita nos frekuentemente. Masha danki pa bishita nos i nos ta spera di mira bo atrobe.

Dios bendishoná bo rikamente!

Kambia bo manera di pensa

 

Kita limitashon for di bo bida, si tur dia bo pensa ku bon ta logra nada, ku bo no ta bai dilanti. Tur dia bo ta mirando bo mes ta bai patras. Bo mester para ketu un ratu i analisá pa bo mes ku tin algu ku no ta bon den bo manera di pensa. Ku ta tempu pa bo kambia bo manera di pensa i laga Dios duna bo un manera nobo di pensa.

Kiko ta bo metanan

 

Ki bo tin den bo kurason ku bo ke pa Dios hasi pa bo? Bo sa ku Dios a yena nos tur ku un simiña di grandesa, esei ke men ku Dios a hasi kos grandi den kada un di nos su bida i e ke pa nos por logra tambe tur nos metanan ku nos a pone nos dilanti.

Versikulo di Dia

O, mi stima Bo, SEÑOR, mi fortalesa! SEÑOR ta mi baranka, mi fòrti; mi salbador, esei ta mi Dios, mi baranka pa mi skonde, mi eskudo, mi defensa i salbashon, mi baluarte!

Salmonan 18:1-2